Deitu adierazi dizugun telefono zenbakira: ez du inork erantzungo eta moztu egingo da
La Fundación San Prudencio irabazi asmorik gabeko erakunde bat da, Enpresaren Gizarte Erantzukizuna garatzeko eta Arabako gizartearen ongizaterako lan egiten duena; hori dela eta, haren jarduera ugariren helburua pertsonei laguntzea da, haien familia-esparruan; izan ere, era guztietako familiak bizitzan aurrera eramaten ditugun jardunen oinarrizko lotura direnaren uste osoa dugu.
Helburu hori lortzeko antolatzen ditugun jardueretako bat dira La Fundaciónen titularrentzako eta haien familientzako ekitaldiak, bitarteko bat baitira, bide batez, Arabako familiek gizarte erantzukizunaren arloan (berdintasuna, inklusioa, ohitura onak, etab.) egiten dituzten jarduera aipagarriak aintzatesteko. Ekitaldi horien bidez, jardunbide horiek sustatzen ditugu, eta La Fundacióneko familiek ondo pasatzea eta une gogoangarriak izatea lortzen dugu, kolektibo bereko gainerako kideekin batera.
Zure seme-alabak txunditu nahi badituzu, eta Gasteizen Olentzero eta Mari Domingirekin hitzordua erreserbatu nahi baduzu, edo Errege Magoekin, edo egun desberdin eta dibertigarri bat pasatu nahi baduzu Zirkuan, egon adi hitzordua erreserbatu ahal izateko!
Ekitaldi horietako bakoitzerako zure lekua eskatzeko epea irekitzen den egunaren berri emango dugu, webgunearen, posta elektronikoaren eta sare sozialen bidez.
Ekitaldirik onenak antolatzen ditugu Gasteizen, Olentzero eta Mari Domingirekin edo Errege Magoekin egoteko, Zirkura joateko edo Familia Sariak banatzeko
Zergatik dira ezaugarri horiek dituzten Gasteizko ekitaldirik onenak?
- Aldez aurretik izango duzu gutuna, haurrek La Fundacióneko Olentzerori eta Mari Domingiri edo Errege Magoei nahi dutena idatz diezaieten (webgunean edo Dato 43ren bulegoetan bertan aurki dezakezu).
- Familia Sariak banatzeko ekitaldia, eta Olentzero, Mari Domingi eta Errege Magoak ikusteko ekitaldiak La Fundacióneko enpresetako langileei zuzenduta daude.
- Zirku ekitaldiak prezio berezia du La Fundacióneko familientzat eta gure kolektiboarentzat esklusiban egiten den emanaldia da.
- Hitzordua aldez aurretik erreserbatu behar duzu, inork erantzungo ez duen eta automatikoa den dei bat eginez titularraren sakelako telefonotik.
- SMS bat iritsiko zaizu, Olentzero, Mari Domingi eta Errege Magoekin izango duzun hitzordu pertsonalerako egunarekin eta orduarekin.
- Ez duzu ilara luzeetan itxaron beharko Olentzero, Mari Domingi edo Errege Magoekin pertsonalki egon ahal izateko. Ordua erreserbatuta duzue.
EKITALDI BAKOITZERAKO EPEA IREKITZEN DENEAN HITZORDUA ERRESERBATZEKO URRATSAK
Hitzordua erreserbatzeko epea irekitzen denean, egizu lehenbailehen, lekuak azkar agortzen dira eta!
Ekitaldiak eskaintzen dizkiegu, Gasteizen, gure titular eta onuradunei
Gasteizen antolatzen ditugun ekitaldiak dira, uneak partekatzeko, ondo pasatzeko, familiarekin batera jarduerak egiteko, inklusioa sustatzeko eta gizarte erantzukizunaren arloan aipagarriak diren ohiturak (besteak beste, berdintasunarekin, inklusioarekin eta elkartasunarekin lotutakoak) ezagutzeko aukera emango dizuetenak.
Familia Sarien edo Zirku ekitaldien helburua da familiek arratsalde atsegin bat pasatzea La Fundaciónekin batera, baina, baita ere, aitortza bat egiteko helburua dute, Arabako familien (edozein bizikidetza-unitate) jardun aipagarrienei eta horiek ongizateari, garapen sozialari, hezkuntzari eta kulturari egiten dioten ekarpenari.
Olentzero eta Mari Domingi Gasteizen La Fundación San Prudencioren titular eta onuradunentzat
Etxeko txikienek eta La Fundacióneko familiakoek urte osoan zehar ilusio handiz itxaroten duten ekitaldia da. Telefono dei soil batekin titular bakoitzak hitzordua erreserba dezake Olentzerorekin eta Mari Domingirekin, ordu jakin baterako.
La Fundacióneko kideek ekitaldi honetan duten abantaila esklusiboa da haurrek Olentzerorekin eta Mari Domingirekin aurrez aurre hitz egin dezaketela, Gasteizen, eta une berezi bat izan dezaketela, Olentzerori eta Mari Domingiri Gabonetarako dituzten nahiak kontatzeko eta zer opari jaso nahi dituzten esateko.
La Fundación San Prudencioren Errege Magoak
Beste ekitaldi bat, neska-mutilekin une berezi hau ospatzeko eta Errege Magoak ikustera joateko, eta haurren emozioaz eta ilusioaz gozatzeko. Zure alabak edo semeak une paregabea pasatuko du gure Errege Magoetako batekin, Gasteizen egiten dugun ekitaldi berezi honetan.
Titularrek hitzordua erreserbatu dezakezue, haurrek ez dezaten ilara luzeetan itxaroteko beharrik izan opariak eskatu ahal izateko. Gainera, gure Errege Magoek beren etxeetan bisitatzen dituzte mendekotasunagatik aurrez aurreko hitzordura joaterik ez duten haurrak.
Egun bat Zirkuan, Gasteizen, soilik La Fundación San Prudenciorentzat
Saio oso esklusiboa da eta haurrek zein helduek Zirkuan arratsalde oso berezi batez gozatzeko aukera izango dute, udako egun zehatz batean La Fundacióneko familientzat bakarrik irekiko baitu.
Ekitaldi honen hasieran, Familia Sariak ematen zaizkie urte horretako gaiaren inguruan ekimenik onenak aurkeztu dituzten familiei.
La Fundación San Prudencioren Meritu Akademikoaren sariak emateko ekitaldia
Ekitaldi horretan, hitzaldi interesgarriren batekin dibertitzeaz, entretenitzeaz eta hezteaz gain, Arabako heziketa-ziklo bakoitzeko nota onenak dituzten ikasleei sariak ematen zaizkie, urte horretako Meritu Akademikoaren sariak irabazi baitzituzten.
Horrelako ekitaldi bakoitzean hainbat inspiratzaile izaten ditugu, bertaratzen diren pertsona guztientzako gaualdi dibertigarri eta ahaztezina izan dadin.
Erlazionatutako informazioa
