Ekitaldiak Gasteizen: Familia Sariak banatzeko ekitaldia, La Fundación Laboral San Prudenciok 2020ko azaroaren 5ean antolatutakoa, Dato kaleko 43.ean
Ekitaldiak, Gasteizen, La Fundaciónen familientzat
XVIII. Edizioko Familia Sariak banatzeko ekitaldia DATO kaleko 43.eko egoitzan egin zen eta 500 euroko saria eman zitzaizkien familian egindako jardunbide egoki hauei: “Martin Sukalde Kapitainak patatak mastekatzen ditu”, “Itxialdian bidaiatzen” eta “Teknologiak ongi erabiltzea”.
18 urte dira La Fundaciónek Familia Sariak antolatzen dituela, familia ingurunean jardunbide egokiak garatzen eta, oro har, gizartea hobetzen laguntzen duten jarduerak aintzatesteko, sustatzeko eta saritzeko.
Koronabirusak markatutako urte honetan, La Fundaciónek familiek teknologia berrien erabileran (sare sozialak, WhatsApp, bideo deiak, etab.) dituzten jardunbide egokiak ezagutu nahi izan ditu eta, bereziki, nola erabili dituzten itxialdian zehar komunikatzeko, lan egiteko, ikasteko, harremanak izateko edo dibertitzeko.
Sare sozialen eta teknologia berrien erabilerak modu esponentzialean egin du gora itxialdian zehar, eta, horregatik, gai hori aukeratu dugu familian hausnartzeko eta berrogeialdiaren aurretik, bitartean eta ondoren nola erabiltzen ziren hausnartzeko, gauzak erraztu ote dizkiguten, eta jendea urrundu edo hurbildu duten pentsatzeko.
Sariak banatzeko ekitaldia azaroaren 5ean, ostegunean, egin zen, 19:00etan, eta Lekim Magoaren ikuskizuna egon zen, La Fundaciónek Dato kaleko 43.ean duen egoitzako Auditoriumean; oraingoan, saritutako familiak soilik sartu ahal izan ziren ekitaldira.
La Fundaciónen XVIII. Edizioko Familia Sarien irabazleak Gasteizen familientzat egindako ekitaldian
Jardunbide egokia: “TEKNOLOGIAK ONGI ERABILTZEA”
Musikari familia honetan gurasoak, seme bat eta alaba bat ditugu, itxialdian zehar teknologia berriak erabili zituztenak, hainbat esparrutan. Senideei eta lagunei bidali dizkieten ahots-interpretazioak zein interpretazio instrumentalak egin zituzten. Bideoa, musika, argazkiak eta ahotsa erabiliz, sorkuntza artistikoak egin zituzten, itxialdian zehar agertu ziren sentimendu eta emozioak islatu eta adierazteko.
Hiru hilabete horietan, familia horrek teknologia berriei beldurra galdu zien, eta beste pertsona batzuei aurrera egiten lagundu zien une zailetan.
Jardunbide egokia: “MARTIN SUKALDE KAPITAINAK PATATAK MASTEKATZEN DITU”
Itxialdian zehar, familia honetako semeak bere pertsonaia propioa eta bere abentura propioak asmatu eta sortu zituen, eta paperean islatu zituen. Hasieran, 5 ale ilustratu, idatzi, fotokopiatu eta maketatu zituen, auzoan banatzeko, eta iruzkinak zituen erantzun bat jasotzen zuen bakoitzean aurpegia poztu egiten zitzaion. Izan zuen harrera ona ikusita, astero, bizilagunen artean ale berriak banatzen hasi ziren eta bizilagunen erantzunek istorioak asmatzen jarraitzera animatzen zuten. Paperean jende gutxirengana iristen zirenez, komikiak digitalizatzea eta WhatsApp bidez lagunei eta senideei bidaltzea erabaki zuten.
Jasotako mezu bakoitza kontaktu bat zen, birtuala bazen ere, bere bizitzaren parte diren pertsonekin.
Ekimen horri esker, idazteko, marrazteko, zenbakitzeko, dimentsioak ezartzeko, kontakizunak egiteko eta ahozko adierazpena lantzeko trebetasunak landu ditu, eta itxialdian zehar maite dituen horiekin harremanetan egon ahal izan da.
Jardunbide egokia: “ITXIALDIAN BIDAIATZEN”
Senar-emazte hauek itxialdian zehar ordutegiak eta errutinak ezartzeko beharra ikusi zuten, 4 urteko alabarengan loaren asalduak, kasketak edo umore aldaketak saihesteko.
Eskulanak egin zituzten, esperimentuak, sukaldean aritu ziren, baina neskatoak ezin zuen bere espiritu bidaiaria asetu.
Egunero, Google Earth eta Google Street View-ren bidez, munduko hainbat lekutara joatea erabaki zuten, Askatasunaren Estatuatik hasi, eta Granadako Alhambraraino edo Gasteizko Arte Ederren Museoraino.
Esperientzia hain izan da ona, ezen bidaia birtual horiek egiten jarraitzen baitute, baita itxialdia amaitu eta gero ere.
2020ko familia sarien argazki galeria
Erlazionatutako informazioa
